ശവവില്പനക്കാരന്‍

അടുക്കിവെച്ച പെട്ടിയില്‍ ശവങ്ങളും, കുറച്ച് പ്ലാസ്റ്റിക്ക് കവറുമായ് അവന്റെ വണ്ടി അന്നും ആ തെരുവിലെത്തി. ആളുകള്‍ ശവങ്ങള്‍ വാങ്ങുന്നതിനായ് അവനരുകിലേക്ക് ഓടിയെത്തി. ശവം തിന്നു വിശപ്പടക്കാനായ് കുറച്ചുപൂച്ചകളും വണ്ടിയ്ക്കുചുറ്റും നിലയുറപ്പിച്ചു. അഞ്ചിനു പത്തും പത്തിനിരുപതുമായ് അവന്‍ ശവങ്ങള്‍ വിറ്റുകൊണ്ടേയിരുന്നു. അനന്തരം കൂകിവിളിക്കുകയും പൂച്ചകളുടെ എസ് കോര്‍ട്ടുമായ് അവന്റെ വണ്ടി മറ്റൊരു തെരുവിനെ ലക്ഷ്യമാക്കി നീങ്ങികൊണ്ടേയിരുന്നു..
ജയദേവന്‍..